दार्चुला : नुवाकोट घर भएर दार्चुला सदरमुकाममा विगत १५ वर्षदेखि मजदुरी गर्दै आइरहेका प्रेम लामाको मृत्यु भएको छ ।
शनिबार दिउँसो महाकाली नगरपालिका ५ गल्फैस्थित रहेको सामुदायिक ग्रामीण विकास समाज नेपालको कार्यालय पछाडि अचेत अवस्थामा फेला परेका ४५ वर्षीय लामालाई स्थानीयले जिल्ला अस्पताल ल्याएका थिए ।
अस्पताल ल्याएको ३ घण्टा पछि मृत्यु भएको जिल्ला प्रहरी कार्यालय दार्चुलाका निमित्त प्रहरी प्रमुख प्रहरी निरीक्षक सुरेन्द्रप्रसाद जोशीले जानकारी दिए ।
लामाले दैनिक जसो मादक पदार्थ सेवन गर्थे । मादक पर्दाथ सेवनकै कारण मृत्यु भएको अनुमान गरिएको छ ।
लामाको शव अहिले जिल्ला अस्पतालको शव गृहमा राखिएको छ । लामाको मृत्युपछि उनका आफन्तलाई बोलाउने प्रयास भइरहेको निमित्त प्रहरी प्रमुख जोशीले जानकारी दिए । नुवाकोट प्रहरीसँगगको सम्पर्कका आधारमा उनका आफन्तलाई खबर गरिएको उनको भनाइ छ ।
प्रतिक्रिया दिनुहोस !
