देवचन्द्र भट्ट
नुवाकोट : नुवाकोट प्रवेश गरेका चिनिया नागरिकलाई प्रहरीले नियन्त्रणमा लिएर काठमाडौं लगेको छ । जबर्जस्ती जिल्ला प्रवेश गरेका ६ जना चिनियाँ पर्यटकलाई अध्यागमन कार्यालय काठमाडौंको जिम्मा लगाइएको जिल्ला प्रहरी कार्यालय नुवाकोटले जनाएको छ ।
उनीहरू पोखरादेखि पैदल हिँडेर सोमबार साँझ नुवाकोट प्रवेश गरेका थिए । उनीहरू चीनको सीमा नाका रसुवागढी हुँदै केरुङ जान खोजेको जिल्ला प्रहरी कार्यालयका प्रवक्ता तथा प्रहरी नायव उपरीक्षक राजेश थापाले बताए ।
उनीहरुलाई प्रहरीले आफ्नो गाडीमा राखेर काठमाडौं लगेको हो । मार्च महिनामा नेपाल आएका उनीहरू भिसा अवधि सकिएपछि पैदल नै तिब्बतको केरुङ हुँदै घर जान चाहेका थिए । उनीहरू ४ पुरुष, एक महिला र एक बालिका रहेका छन् । उनीहरुको जानकारी चिनीया दुतावासलाई दिइएको छ ।
प्रतिक्रिया दिनुहोस !
