बाजुरा : बाजुरा जिल्लाको गौमुल गाउँपालिकामा चट्याङ लागेर एक हल गोरु, ब्याउने भैँसी, र गाई मरेका छन् ।
यस्चै १० वर्षीया बालिका घाइते भएकी छन् । बिहीबार दिउँसो ४ बजे परेको चट्याङ्गले गौमुल गाउँपालिका–३ गर्जेका अपिलाल बोहराको घरगोठसहित पशुचौपाया जलेको जिल्ला प्रहरी कार्यालयले जानकारी दिएको छ ।
घटनाको विस्तृत जानकारीका लागि घट्मुना प्रहरी चौकीबाट प्रहरी टोली घटनास्थलतर्फ हिँडेको जिल्ला प्रहरी कार्यालयका प्रवक्ता रानबहादुर रोकायाले बताए । वडाध्यक्ष मान बहादुर बोहराका अनुसार घर नजिकै रहेको गोठको छानामा चट्याङ्ग परेको हो । पानीसँगै परेको चट्याङ्ग लागेर अफिलाल बोहराकी १० वर्षीया छोरी अञ्जना बोहरा समेत घाइते भएकी छन् ।
घाइते बालिकालाई थप उपचारका लागि गौमुल गाउँपालिकाको केन्द्र घट्मुना ल्याउने बताइएको छ । क्षतिको यकिन विवरण आएपछि राहतको व्यवस्था गरिने गाउँपालिकाले जनाएको छ ।
प्रतिक्रिया दिनुहोस !
