मुम्बई : बलिउड अभिनेत्री दीपिका पादुकोणलाई दिवंगत अभिनेता इरफान खानको यादले सताएको छ। उनले भर्खरै एक भिडियो सेयर गर्दै इरफानको सम्झनामा भावुक अपिल गरेकी छन्।
यो भिडियो सन् २०१५ मा रिलिज भएको फिल्म ‘पिंकु’ को सेटको हो जहाँ इरफान र दीपिकाले लन टेनिस खेलिरहेका छन्। भिडियोको क्याप्सनमा दीपिकाले लेखेकी छिन्– ‘कृपया फर्किएर आऊ इरफान खान।’
समाचारअनुसार दीपिका र इरफानले स्क्रिन सेयर गरेको ‘पिकु’ एकमात्रै फिल्म हो। शुक्रबार यो फिल्म रिलिज भएको पाँच वर्ष पूरा भएको छ। यही अवसरमा इरफानलाई दीपिकाले सम्झिएकी हुन्।
दुर्लभ खाले क्यान्सरका कारण ५४ वर्षको उमेरमा इरफानको २९ अप्रिलमा निधन भयो। दुई वर्षदेखि उनी क्यान्सरसँग लडिरहेका थिए।
प्रतिक्रिया दिनुहोस !
