काठमाडौं : शताव्दी पुरुष सत्यमोहन जोशी १०१ वर्ष पुगेका छन् । नेपाली कला, संस्कृति र साहित्यमा महत्वपूर्ण योगदान पुर्याउँदै आएका जोशी वैशाख ३० गते १०१ वर्ष पुगेका हुन् । गत वर्ष सय वर्ष पुग्दा ललितपुर महानगरपालिकाले धुमधामसँग जन्मशताब्दी मनाएको थियो। त्यतिबेला महानगरपालिकाभर सार्वजनिक विदा पनि दिएको थियो ।
तर यस वर्ष भने कुनै औपचारिक कार्यक्रम गरिएको छैन। यस वर्ष भने कोरोनाका कारण कार्यक्रम आयोजना नगरेको महानगरले जनाएको छ । महानगरपालिकाका मेयर चिरिबाबु महर्जन मंगलबार बिहान जोशीको घरमा पुगेर शुभकामना दिएका छन्।
यसैबीच जोशीको जन्मदिनको अवसरमा नेपालका लागि अमेरिकी राजदूत र्याण्डी बेरीले शुभकामना दिएका छन् । उनले ट्वीटरमार्फत् जोशीको सुस्वास्थ्यको कामना गरेका छन् ।
प्रतिक्रिया दिनुहोस !
