धनगढी : धनगढी उपमहानगरपालिकाको राहत वितरणमा अनयमितता भएको भन्दै व्यापक विरोध भएपछि अख्तियारले चासो देखाएको छ ।
राहत वितरणमा कुहिएको चामल भेटिएपछि खरिद प्रक्रियामा अनियमिता भएको भन्दै स्थानीयहरुले चर्को विरोध गरेका थिए । राहत प्रक्ररणमा अख्तियार दुरुपयोग अनुसन्धान आयोग महेन्द्रनगरको टोलीले राहत सामग्री खरिद प्रक्रियाका सबै कागजात नियन्त्रणमा लिएको छ । ‘राहत सामग्री खरिद प्रक्रियामा भएको अनियमितता बारे छानविन गर्न सबै कागजपत्र नियन्त्रणमा लिइएको छ’ अख्तियारका प्रवक्ता टोपबहादुर विष्टले भने । उनले राहत खरिद प्रक्रियाका सबै कागजपत्रको प्रमाणित प्रतिलिपी नियन्त्रणमा लिईएको जानकारी दिए ।
उपमहानगरपालिकाले दुई करोड ६१ लाखमा राहत सामाग्री खरिदका लागि धनगढीकै ठाकुर ट्रेडलाई ठेक्का दिएको थियो । उक्त ठेक्कामा मिलोमतो भएको आशंका गरिएको छ । सप्लायर्सले आपूर्ति गरेको चामल कुहिएको भेटिएपछि विभिन्न वडाका स्थानीयले राहतको चामल फिर्ता गरेका थिए । उप–महानगरपालिकाले ठाकुर ट्रेड लिंकसँग २ करोड ६१ लाख रुपैयाँमा तीन हजार तीन सय क्विन्टल चामल, ८ सय क्विन्टल दाल लगायत सामाग्री आपूर्तिका लागि सम्झौता गरेको थियो ।
३ हजार ३ सय क्विन्टल चामल, ३ सय ९९ सय क्विन्टल दाल, २ सय ९ क्विन्टल नुन,२२ हजार ५ सय लिटर तेल, २ सय ६५ क्विन्टल चिनी र ५१ हजार ९ सय वटा सावुन लागी ठेक्का दिएको थियो । टेण्डरमा मध्य मसिनो चामल भनिए पनि अन्य गुणस्तर खुलाइएको छैन । चामल कुहिएको भेटिएपछि चामल आपूर्ति गर्ने फर्मलाई दुई लाख जरिवाना गरिएको छ ।
धनगढी उप–महानगरपालिकालाई खाद्यान्न आपूर्ति गर्ने ठाकुर ट्रेड लिंकलाई दुई लाख जरिवाना गरिएको हो । राहतको चामल कुहिएको फेला परेपछि ठाकुर ट्रेडलाई अनुगमन समितिले आपूर्तीकलाई दुई लाख जरिवाना गरेको थियो ।
प्रतिक्रिया दिनुहोस !
