बर्दिबास : धनुषा शहिदनगर नगरपालिका—३ झण्डा चौकबाट कटुवा पेस्तोलसहित दुई युवा प्रहरी फन्दामा परेका छन् । पक्राउ पर्नेमा धनुषाको कमला नगरपालिका—८ हरिनेका १८ वर्षीय अक्षय पासवान र २० वर्षीय सुनिलकुमार साह रहेको प्रहरीले जनाएको छ ।
अक्षयको साथबाट एक थान कटुवा पेस्तोल र त्यसमा प्रयोग हुने तीन राउण्ड गोली बरामद भएको प्रदेश प्रहरी कार्यालय जनकपुरधामका प्रमुख धिरजप्रताप सिंहले जनाए ।
ज.१२ प ५१६५ नम्वरको मोटरसाईकलमा सवार उनीहरुमाथि शंका लागेपछि प्रहरीले रोकेर चेकजाँच गरेको थियो । मोटरसाइकको पछाडि सवार अक्षयको साथमा हतियार र गोली भेटिएको थियो । पेस्तोल, गोली र मोटरसाइकलसहित गिरफतार गरिएका उनीहरुमाथि जिल्ला प्रहरी कार्यालय धनुषाले अनुसन्धान थालेको छ ।
प्रदेश प्रहरी कार्यालय जनकपुर र जिल्ला प्रहरी कार्यालय धनुषाबाट खटिएको शादा पोशाकका प्रहरी टोलीले उनीहरुलाई पक्राउ गरेको हो ।
प्रतिक्रिया दिनुहोस !
