जनकपुरधाम : धनुषाबाट हतियारसहित दुईजनालाई प्रहरीले पक्राउ गरेको छ । धनुषाको शहिदनगर नगरपालिका ३ झण्डा चौकबाट हात-हतियारसहित दुईजनालाई प्रहरीले पक्राउ गरेको हो ।
पक्राउ पर्नेमा धनुषा जिल्ला कमला नगरपालिका ८ हरिने बस्ने १८ वर्षीय अक्षय पासवान र सोही ठाउँ घर भएको २० वर्षीय सुनिल कुमार साहलाई पक्राउ गरिएको छ ।
उनीहरुको साथबाट कटुवा पेस्तोल १ थान र ३ राउन्ड गोली बरामद भएको हो। दुवैलाई पक्राउ गरी हातहितयार तथा खरखजाना मुद्दामा म्याद थपको तयारी गरिएको धनुषाका प्रहरी नायव उपरिक्षक रामेश्वर कार्कीले जानकारी दिए ।
जिल्ला प्रहरी कार्यालय धनुषाबाट खटिएको प्रहरी टोलीले शंका लागि ज. १२ प ५१६५ नम्वरको मोटरसाईकललाई रोकी चेकजाँच गर्दा सोही मोटरसाईकल पछाडि सवार अक्षय पासमानको साथबाट पेस्तोल, गोली बरामद भएको थियो । घटनाबारे अनुसन्धान भइरहेको जिल्ला प्रहरी कार्यालय धनुषाले जनाएको छ।
प्रतिक्रिया दिनुहोस !
