काठमाडौं : गीतकार तारा अधिकारीको शब्दमा ‘विश्वासको दियो’ गीतको लिरिकल भिडियो सार्वजनिक भएको छ। राज सिग्देलको आवाज रहेको गीतमा कल्याण सिंहको संगीत र उदयराज पौडेलको संगीत संयोजन छ। गीत आरबी र फिल रेकर्डिङ स्टुडियोमा कुमार केसी र अशोक महर्जनले रेकर्डिङ, मिक्सिङ गरेका हुन्।
लिरिकल भिडियो नहकुल खड्काले तयार पारेका हुन्।लकडाउनका कारण भिडियो छायांकन गर्न नपाएपछि सुनौलो तारा एल्बममा समावेश गीतका लिरिकल भिडियो क्रमैसँग सार्वजनिक गरिएको गीतकार तारा अधिकारीले बताइन्। सुनौलो तारा एल्बमबाट दुई लिरिकल भिडियो यसअघि नै दर्शक र श्रोतामाझ आइसकेका छन्।
लिपुलेक हेर्न मन छका गायक अस्मिन घिमिरेले ‘मलाई नालापानी लिपुलेक हेर्न मन छ’ बोलको गीतको भिडियो सार्वजनिक गरेका छन्। यो राष्ट्रिय गीतलाई गायक घिमिरेले लेखेका हुन्। कपिल घिमिरेको संगीत रहेको गीतलाई प्रकाश केसीले एरेन्ज गरेका हुन्।
गीतमा दीपकराज गिरी ,दीपा श्री निरौला, सलोन बस्नेत, निर्मल शर्मा, शोभित बस्नेत, बद्री पंगेनी, जयकिसन बस्नेत, जाहन्वी बस्नेत, अनुप भट्टराई, अर्जुन भुसाल, उत्सव अधिकारी, पुष्कर लामालगायतको अभिनय छ। रवि अधिकारीको कन्सेप्ट रहेको भिडियो भोला सुवेदीले निर्देशन तथा सम्पादन गरेका हुन्।
प्रतिक्रिया दिनुहोस !
