अछाम : अछाममा १ हजार २ सय ७० जनाको कोरोना भाइरसको परीक्षण गरिएको छ । हालसम्म जिल्लामा २सय ६९ जनाको पीसीआर र १ हजार एक जनाको र्यापिड डाइग्नोस्टिक टेस्ट (आरडीटी) मार्फत कोरोना परीक्षण गरिएको हो।
पीसीआर गरिएकामध्ये २ सय ६३ जनाको रिर्पोट नेगेटिभ आएको र बाँकी ३ जनाको आउन बाँकी रहेको स्वास्थ्य कार्यालय अछामका सूचना अधिकारी देव जोशीले जानकारी दिए ।
आरडीटी गरिएकोमा एक हजारको रिर्पोट नेगेटिभ आएको र एकजनाको पोजिटिभ देखाएपछि पीसीआर गरिएकोमा रिर्पोट नेगेटिभ आएको थियो । जोशीका अनुसार जिल्लामा आरडीटीका लागि किट अभावका कारण केही दिन परीक्षण कार्य राकिएको थियो । आइतबार आइतबार मात्र प्रदेशबाट २ सय ४० किट आइपुगेको उनले जानकारी दिए ।
क्वारेन्टाइमा बसेकाको परीक्षण गर्न तत्काल आवश्यक रहेकाले जुन स्थानीय तहमा क्वारेन्टाइनमा बसेका छन् त्यहाँ परीक्षणका लागि किट पठाएको जोशीले बताए । उनले भने, 'यति किट प्रयाप्त हुँदैन, क्वारेन्टाइनमा बसेकाको परीक्षण पहिला गरिने छ सोहीअनुसार सम्बन्धित स्थानीय तहमा किट पठाएको छौं।'
स्थानीय तहरुको तंथाकअनुसार जिल्लामा चैत १ गते यता ३ हजार ३ सय २१ जना भारत तथा तेस्रो मुलुकबाट भित्रिएका छन् ।
प्रतिक्रिया दिनुहोस !
