जनकपुरधाम : धनुषामा पत्रकार र पुस्तक व्यवसायीमा भेटिएको कोरोना संक्रमित व्यक्तिको परिवारको कोरोना परीक्षण रिपोर्ट नेगेटिभ आएको छ । जनकपुरधाम उप–महानगरपालिकाका एक पत्रकार र एक पुस्तक व्यवसायीमा संक्रमण भेटिएपछि उनीहरुको परिवारका सबै सदस्यको पनि पिसिआर परीक्षण गरिएको थियो । सो परीक्षणको रिपोर्ट नेगेटिभ आएको जनस्वास्थ्य प्रशासनक विजय झाले जानकारी दिए ।
गत हप्ताको बिहीबार संक्रमित पत्रकार र पुस्तक व्यवसायीको कन्ट्याक ट्रेसिङ्गको आधारमा घर परिवारका ९ जनाको स्वाब संकलन गरी परिक्षणका लागि काठमाडौं पठाइएको थियो ।
यसैगरी संक्रमित व्यक्तिको सम्पर्कमा आएका अन्य ३० जनाको पिसिआर थ्रोट र नोजल स्वाब सोमबार संकलन गरी परीक्षणका पठाइए पनि रिपोर्ट आउन नसकेको नेपाल पत्रकार महासंघका अध्यक्ष अनिल मिश्रले जानकारी दिए । संक्रमितका परिवारका सदस्यलाई जनकपुरधाम ७ स्थित वडाको क्वारेन्टाइनबाट घर पठाउने तयारी गरिएको वडा अध्यक्ष जानकीराम साहले जानकारी दिए ।
प्रतिक्रिया दिनुहोस !
