हराएको नौ दिनपछि मृत फेला

दार्चुला : जेठ चार गतेदेखि बेपत्ता मार्मा गाउँपालिका—६ शेरी घोरडीका ४२ वर्षीय दिला महर मृत अवस्थामा फेला परेका छन् । मार्मा गाउँपालिका वडा नम्बर ३ मा रहेको बिटुले ड्याममा लगाइएको पुरानो झोलुङ्गे पुलमा अड्किएको अवस्थामा महराको सव फेला परेको जिल्ला प्रहरी कार्यालय दार्चुलाले जनाएको छ । 
 

अधिकांश समय मदिरा सेवन गरिरहने महराले ४ गते पनि मार्मा बजारबाट मदिरा सेवन गरेर फर्किएका थिए । ४ गते दिउँसो बजारबाट फर्किएका महरा घर नपुगेपछि ५ गतेदेखि खोजि कार्य सुरु गरिएको थियो ।
  
नदीमा बगेको हुनसक्ने आशंकामा दिनदिनै बिटुले ड्याम खोलेर खोजी गरिए पनि ११ गतेसम्म पत्तो लाग्न सकेको थिएन । सोमबार बिहान ड्याम खोलेर हेर्दा महराको सव पुलमा अड्किएको अवस्थामा फेला परेको हो ।
  
मार्मा क्षेत्रको अनुगमन तथा घटनाबारे थप अनुसन्धान गर्न जिल्ला प्रहरी प्रमुख डिएसपी पदमबहादुर बिष्ट नेतृत्वको टोली घटनास्थल पुगेको छ ।