मुम्बई : बलिउडमा यसपालि इद खल्लो भएको छ । खासगरी सलमान खानका लागि । किनकि इदको अवसरमा रिलिज गरिएका सलमानका प्रायः फिल्म हिट भएका छन् । तर यसपालि कोरोनाका कारण बलिउडका सबै फिल्म ठण्डाराम भए ।
ट्रेड एनालिस्ट तरण आदर्शका अनुसार सलमानको फिल्म ‘वान्टेड’ सन् २००९ मा इदको अवसरमा आएको थियो । त्यसपछि प्रत्येक वर्ष झै लगातार उनका फिल्मले इदको अवसर छोपे । त्यसो त इदबाहेक दीपावली होस् या क्रिसमस २६ जनवरी होस् या १५ अगस्त, निर्माता यो अवसर छोप्न तँछामछाड गर्छन् ।
मुम्बईको बान्द्रास्थित गेटी ग्यालेक्सीमा हरेक वर्ष इद धूमधामका साथ मनाइन्थ्यो । त्यहाँ सलमान खानका फ्यानहरूको ठूलो उपस्थिति रहन्थ्यो । ग्यालेक्सीका मालिक मनोज देशाई भन्छन्, ‘सलमानको कुनै पनि फिल्म इदको अवसरमा रिलिज गरिए दुई पटक हेर्नुपर्छ । किनकि भीड अनि तालिका कारण पहिलो दिन त संवाद नै बुझिन्नँ ।’ तर लकडाउनका कारण यस वर्ष गेटी ग्यालेक्सीको गेट पनि बन्द रह्यो ।
प्रतिक्रिया दिनुहोस !
