भैरहवा : पश्चिमाञ्चल सिमेन्ट उत्पादक संघ प्रदेश नम्बर पाँचले लकडाउनका कारण सिमेन्टको कच्चा पादर्थ क्लिङकर उत्पादन गर्ने चुनढुंगा ढुवानी गर्न नसकिँदा राष्ट्रिय गौरवका आयोजना प्रभावित हुन सक्ने बताएको छ ।
संघले एक विज्ञप्ति जारी गर्दै वर्षायाम सुरु भइसकेको अवस्थामा चुनढुंगालगायतका कच्चा पदार्थ उद्योगमा भित्र्याउन सम्भावना कम हुँदै गएकाले सिमेन्ट उत्पादनमा कमी आउने र २५ मूल्यवृद्धि हुने जनाएको छ ।
'कच्च पदार्थको अभावमा क्लिङकर र उत्पादन हुन सक्दैन, जारी विज्ञप्तीमा भनिएको छ, 'यस्तो अवस्थामा देशको राष्ट्रिय गौरव आयोजना, विकास निर्माणकार्यमा लागि अति आवश्यक पर्ने सिमेन्ट सुलभ र सहज रुपमा पुग्न सक्ने स्थिति छैन ।'
साथै संघले अब भारतबाट क्लिङकर आयात गर्नुपर्ने अवस्था आएकाले विगतभन्दा २५ प्रतिशत सिमेन्टको मूल्य वृद्धि हुने जनाएको छ । विगतमा नेपालबाट क्लिङकर ढुवानी हुँदा प्रति टन क्लिङकर करिब ८ हजार मूल्य पर्न जान्थ्यो भने अब भारतबाट आयात गर्दा प्रति टन ११ हजार रुपैयाँ भन्दा बढी पर्ने बताइएको छ ।
भैरहवा क्षेत्रको लुम्बिनी करिडोरमा मात्र दजर्न बढी सिमेन्ट उद्योगहरु छन् ।
प्रतिक्रिया दिनुहोस !
