काठमाडौं : संगीतकार दीपक वज्राचार्यले युनिसेफसँगको सहकार्यमा तयार पारेको कोरोनाबारे एउटा सन्देशमूलक गीत सार्वजनिक गरेका छन्
भिडियोमा कोभिड– १९ विरुद्धको लडाइँमा सुरक्षित रहन, सद्भाव राख्न र एक रहन सबैलाई आह्वान गरिएको छ । गीतमा टाढै बसेर साथ दिन आग्रह गर्दै दीपकले कोरोनाविरुद्धको लडाइँमा नआत्तिन आग्रह गरेका छन् ।
अञ्जुलाई ‘उडुँ उडुँ लाग्यो’
लोकप्रिय गायिका अञ्जु पन्त र गायक राजन कार्कीको आवाजमा नयाँ गीत ‘उडुँ उडुँ लाग्यो मलाई’ को एनिमेसन म्युजिक भिडियो सार्वजनिक भएको छ ।
वरिष्ठ गीतकार तथा सर्जक अम्बिका गुरुङको शब्द रहेको ‘उडुँ उडुँ लाग्यो मलाई’ मा पुरुषोत्तम सुवेदीको संगीत रहेको छ भने विष्णु विरही श्रेष्ठले भिडियो निर्माण गरेका छन् । डान्सिङ नम्बरको यो गीत फरक खालको म्युजिक भिडियो कारणले अझ रोमान्टिक बनेको छ ।
प्रतिक्रिया दिनुहोस !
