धनगढी : धनगढी उपमहानगरपालिका–३ विशालनगरमा एक महिला मृत अवस्थामा फेला परेकी छिन् । २४ वर्षीय जयन्ती जैशी झुण्डिएको अवस्थामा मृत फेला परेकी जिल्ला प्रहरी कार्यालय कैलालीका प्रहरी नायव उपरीक्षक दक्षकुमार बस्नेतले जानकारी दिए ।
उनी घरको भान्सा कोठामा झुण्डिएको अवस्थामा फेला परेकी थिइन्। प्रहरी नायव उपरीक्षक बस्नेतका अनुसार हत्याको आशंकामा परिवारका ३ जनालाई पक्राउ गरिएको छ । मृतक महिलाका श्रीमान, सासु र नन्दलाई पक्राउ गरिएको हो ।
स्थानीयका अनुसार परिवारमा समय–समयमा कलह भइरहेने गरेको थियो । उनको माइती घर कैलालीको पहलमानपुर हो । मृतक महिलाको झण्डै डेढ वर्षको छोरा छ । उनको शव पोष्टमार्टमका लागि सेती प्रादेशिक अस्पतालमा राखिएको छ ।
परिवारहरुको संलग्तामा हत्या भएको भन्दै किटानी जाहेरी दिने तयारी भएका मृतक महिलाका बुबा मोहनराज जैशीले जानकारी दिए । ‘मेरो छोरीको आत्माहत्या होइन, हत्या नै भएको हो’, जैशीले भने, ‘दोषीलाई कार्यवाही हुनुपर्छ ।’
प्रतिक्रिया दिनुहोस !
