मुम्बई : कोरोना भाइरसका कारण सबैजसो टीभी सो बन्द भएका छन्। यसको चपेटामा सानो पर्दाको लोकप्रिय टीभी सिरियल नागिन– ५ पनि परेको छ। अझै पनि यसको सुटिङ सुरु हुन सकेको छैन। अहिले नागिन– ४ बन्द हुन्छ कि नयाँ सिरिज सुरु हुन्छ भन्ने चर्चाले बजार पिटेको छ।
हो हल्ला जब एकता कपुरसम्म पुग्यो त्यसपछि उनले एउटा भिडियो सार्वजनिक गर्दै स्पष्टीकरण दिएकी छन्। उनले नागिन– ४ समाप्त भएको बताएकी छन्। ‘हामी बीचबाट यसको सुटिङ सुरु गर्न सक्ने अवस्थामा छैनौं। नागिन– ४ समाप्त भएको सम्झनुहोस्। हामी तत्काल नागिन– ५ सुरु गर्ने तयारीमा छौं’, उनले भनिन्।
एकताको भनाइ सार्वजनिक भएपछि यसको लिड रोलमा को देखिनेछ भन्ने चर्चा चलेको छ। यसका धेरै दाबेदार छन्। तर, सानो पर्दाकी लोकप्रिय अभिनेत्री तथा बिगबोस विजेता दीपिका कक्कडको सम्भावना बलियो देखिएको छ।
यो रोलका लागि दीपिकासँग सम्पर्क गरिएको छ र उनी यसका लागि तयार छिन्। एकता लामो समयदेखि दीपिकासँग काम गर्न इच्छुक थिइन् तर कुरा मिलेको थिएन। त्यसैले एकता दीपिकालाई लिएर नागिन– ५ बनाउन चाहन्छिन्। नागिन लोकप्रिय टीभी सो हो। मौनी राय, सुरभि ज्योति, निआ शर्मा यो सोमा काम गरेपछि लोकप्रिय भए। दीपिका पहिले नै लोकप्रिय छिन्। एजेन्सी
प्रतिक्रिया दिनुहोस !
