दाङका पाँच र प्यूठानका दुईजनामा देखियो कोरोना संक्रमण
दाङ : बुधबार थप ५ जनामा कोरोना संक्रमण पुष्टि भएको छ । बंगलाचुली गाउँपालिका र राजपुर गाउँपालिकाका पाँच जनामा कोरोना संक्रमण पुष्टि भएको हो। राप्ती स्वास्थ्य विज्ञान प्रतिष्ठान दाङमा भएको स्वाब परीक्षणबाट बंगलाचुली गाउँपालिका ७ र ६ का दुई जनामा कोरोना संक्रमण भएको पुष्टि भएको छ । उनीहरु १७ वर्ष र २२ वर्ष उमेरका छन् । उनीहरु सरस्वती मावि जवरकोट र सुधामावि झेलनेटा क्वारेनटाइनमा बसेका छन्।
त्यसैगरी राजपुर गाउँपालिकाका ५ र १ का तीनजनामा कोरोना संक्रमण भएको पुष्टि भएको हो । वडा नं ५ का १९ वर्षीय एक महिला र वडा नं १ का १९ वर्षीय पुरुष र २७ वर्षीय महिलामा कोरोना पुष्टि भएको हो । उनीहरु तीनैजना राजपुर गाउँपालिकाले सञ्चालन गरेको साधारण मावि सालभौरा क्वारेन्टाइनमा रहेका छन्।
बुधबार कोरोना पुष्टि हुनेमा दुईजना महिला र ३ जना पुरुष रहेका छन । बुधबार देखिएका संक्रमित सबै भारतबाट आएको बुझिएको छ। योसहित दाङमा संक्रमितको संख्या ५६ पुगेको छ ।
प्यूठानका दुईजनामा पनि संक्रमण पुष्टि
प्युठान जिल्लाका दुईजनामा कोरोना संक्रमण देखिएको छ । बंगलाचुली गाउँपालिकाको कवारेन्टाइनमा बसेका दुईजनामा कोरोना संक्रमण देखिएको हो । राप्ती स्वास्थ्य विज्ञान प्रतिष्ठान दाङमा गरिएको परीक्षणमा प्युठानका दुईजनामा कोरोना संक्रमण देखिएको हो । प्युठानको मान्डबी गाउँपालिका १ का १२ वर्षीय र वडा नं २ का २० वर्षीय पुरुषमा कोरोना संक्रमण देखिएको हो ।
दाङमा पछिल्लो समय कोरोना संक्रमितको संख्या दैनिक बढिरहेको छ । केहि दिनदेखि संक्रमितको संख्या बढ्दै गएपछि यसको व्यवस्थापनमा समेत समस्या हुने देखिएको छ ।