काठाडौं : प्रितम आर्चायको स्वरमा रहेको पहिलो लिरिकल गीत सार्वजनिक भएको छ । उनी भारतीय चर्चित गायन रियालीटी शो ‘सारेगमप लिटिल च्याम्प’का सेकेन्ड रनरअपसमेत हुन् । गतवर्ष भएको उक्त रियालीटी शोमा उनको जादुयी स्वरले तहल्का मच्चाएको थियो ।
गीतकार गणेश उप्रेतीको शव्दमा मनराजा नकर्मीको संगीत रहेको यो गीतमा प्रितमले स्वर दिएका हुन् । सारेगमप कार्यक्रमबाट फर्किएपछि उनी पढाइसँगै संगीत कर्ममै व्यस्त छन् । केहि कभर सङहरुमा आवाज दिएका उनको सोलो गीत भने यो पहिलो हो ।
कक्षा ८ मा अध्ययन गर्ने प्रितम मिठो र जादुयी गाउन सक्छन् । नेपाली गीतका तुलनामा हिन्दी क्लासिकल गीतहरु बढी सुन्छन् उनी । इटहरीका प्रितम अहिले लकडाउनभर घरभित्रै छन् । कोरोनाले गर्दा उनी नियमीत संगीत सिक्न जान पाएका छैनन् । संगीतकार भुपेन्द्र राईसँग स्कुलमै संगीत साधना गरिरहेका प्रितमले गुरुलाई खुब सम्झिएका छन् । भन्छन्, ‘पहिलो पटक घरबाट अनलाइन कक्षा पढिरहेको छु । स्कुलमा पढेजस्तो रमाइलो हुँदैन अनलाइन कक्षा । साथीहरुलाई मिस गरिने रहेछ ’ ।
मुहारमा मुस्कान बोलको गीत उनले लकडाउन अगाडि नै काठमाडौं आएर रेर्कड गराएका हुन् । आफ्नो स्वरमा रहेको यो गीत सार्वजनिक गर्न पाउँदा औधी खुसी लागेको उनी बताउँछन् । घरमा बिहान उठेर रियाज गर्ने, इन्टरनेट चलाउने, गेम खेल्ने, विशेषत क्लासिक गीत सुन्न गरेर यो खाली समयलाई सदुपयोग गरिरहेका छन् उनी ।
उनी गीतमा भन्छन्,...
मुहारमा मुस्कान होस्, आँशु हुनु हुन्न
भोलि फेरि भेट हुन्छ, आज रुनु हुन्न ।
तिमी रुँदा रोए जस्तो लाग्छ घाम, जुन
न्याउलीझै मिठो लाग्छ मालश्रीको धुन ।
प्रतिक्रिया दिनुहोस !
