रुकुम : रुकुम पश्चिममा भीरबाट लडेर एक युवकको मृत्यु भएको छ । जिल्लाको आठबीसकोट नगरपालिका–१४, का २२ वर्षीय चन्द्रबहादुर बुढाथोकीको भिरबाट लडेर मृत्यु भएको जिल्ला प्रहरी कार्यालयका प्रहरी निरीक्षक हरिबहादुर ओलीले जानकारी दिए ।
काठ लिएर जंगलबाट फर्कने क्रममा उनको स्थानीय सञ्जयी भीरबाट लडेर मृत्यु भएको उनले बताए । बुढाथोकी बाटोबाट झण्डै तीन सय मिटर तल खसेका थिए । उनको घटनास्थलमै मृत्यु भएको प्रहरी निरीक्षक ओलीले जनाए । उनको शव पोष्टमाटमका लागि जिल्ला अस्पताल सल्ले ल्याइएको छ । पोष्टमाटमपछि आफन्तलाई बुझाइने बताइएको छ ।
प्रतिक्रिया दिनुहोस !
