सन्धिखर्क : अर्घाखाँचीमा थप एकजनामा कोरोना पुष्टि भएको छ । शितगंगा नगरपालिकाको ठाडाको ज्योति माविको क्वारेन्टाइन बसेका वडा नम्बर ५ का ३६ वर्षीय पुरुषमा कोरोना पुष्टि भएको अर्घाखाँची अस्पतालका प्रमुख डाक्टर कपिल गौतमले बताए । यो सँगै संक्रमितको संख्या ३ पुगेको छ।
भारतबाट फर्केका उनको प्रादेशिक जनस्वास्थ्य प्रयोगशाला भैरहवामा गरिएको स्वाब परीक्षणमा कोरोना पुष्टि भएको हो । स्वाब परीक्षणका लागि पठाएको १३ दिनपछि मात्र रिपोर्ट आएको हो ।उनलाई सदरमुकाम सन्धिखर्क १ हटारीको आइसोलेसनमा राखिएको सहायक प्रमुख जिल्ला अधिकारी विनोद खनालले जानकारी दिए । यसअघि पाणिनी गाउँपालिकाको ८ पालीको कमला माविमा रहेका दुईजनामा कोरोना देखिएको हो ।उनीहरुको सन्धिखर्क स्थित हटारीको आइसोलेसनमा उपचार भइरहेको छ ।
गत जेठ १० गते भूमिकास्थान नगरपालिका-९ का ३४ वर्षीय कृष्णबहादुर गैरेको नेपाल आउने क्रममा बाटोमा मृत्यु भएको थियो र उनको स्वाब प्रदेश जनस्वास्थ्य प्रयोगशाला भैरहवामा गरिएको परीक्षणमा कोरोना पोजिटिभ पुष्टि भएको थियो ।
प्रतिक्रिया दिनुहोस !
