जाजरकोट : जाजरकोटका एकजना युवकमा कोरोना संक्रमण देखिएको छ।भारतबाट आएर सल्यानको कुमाख गाउँपालिकाको क्वारेन्टाइनमा रहेका जाजरकोट भेरी नगरपालिका १० का १९ वर्षीय युवकमा कोरोना देखिएको हो।
बारेकोट र कुशे गाउँपालिकामा एक सय २७ जनाको कोरोना पीसीआर रिपोर्ट नेगेटिभ आएको छ ।बारेकोट र कुशेबाट कोरोनाको पीसीआर परीक्षणका लागि स्वाब संकलन गरेर १० दिनअघि सुर्खेत पठाइको थियो ।
बारेकोट र कुशेका एक सय २७ जनाको रिपोर्ट नेगेटिभ आएको स्वास्थ्य सेवा कार्यालयका प्रमुख डा. सुनिल पुनले बताए । जिल्लाका अन्य ठाउँबाट स्वाब संकलन गरी पठाइएका दुई सय ७८ जनाको रिपोर्ट भने आउन बाँकी छ ।भारतबाट हालै आएर विभिन्न क्वारेन्टाइनमा रहेका दुई हजार ६४ जनाको स्वाब संकलन गरिएको छैन।
प्रतिक्रिया दिनुहोस !
