दार्चुला : दार्चुलाबाट संकलन गरी धनगढी पठाइएका थ्रोट स्याबको नमूना रिपोर्ट दुई साता वितिसक्दा पनि आएको छैन । जेठ १७ गते जिल्लाका ९ वटै स्थानीय तहका क्वारेन्टाइनमा रहेका व्यक्तिको थ्रोट स्वाब परीक्षणको लागि धनगढी पठाइएको थियो ।
कुल २२७ जनाको स्वाब पठाइएकोमा आइतबारसम्म ६ जना महिलासहित ७३ जनाको रिपोर्ट मात्रै आएको छ ।अझै १४८ जनाको रिपोर्ट आउन बाँकी रहेको स्वास्थ्य कार्यालय दार्चुलाका खोप सुपरभाइजर विरेन्द्रप्रसाद भट्टले बताए ।
रिपोर्ट आउन ढिलाइ हुँदा लामो समयदेखि क्वारेन्टाइनमा बसेकाहरु समस्यामा छन् । थ्रोट स्याब संकलन गरिएका महाकाली नगरपालिकामा ४८ जना मध्ये आइतबारसम्म २ जना महिलासहित ४२ जनाको रिपोट नेगेटिभ आएको छ ।
यस्तै जेठ ८ गते जिल्लाका ६ वटा स्थानीय तहबाट १०३ जनाको स्याब संकलन गरिएकोमा आइतबारसम्म ९० जनाको रिपोर्ट आएको छ भने अझै १३ जनाको रिपोर्ट आउन बाँकी रहेको स्वास्थ्य कार्यालय दार्चुलाले जनाएको छ।
प्रतिक्रिया दिनुहोस !
