दार्चुला : कोरोना भाइरस (कोभिड-१९) संक्रमण देखिएका महाकाली नगरपालिका ६ का २१ वर्षीय युवक निको भएर घर फर्किएका छन् । भारतको उत्तर प्रदेश्बाट मजदुरी गरी फर्किएका ती युवकमा कोरोना संक्रमण देखिएपछि जिल्ला अस्पताल दार्चुलाको आइसोलेसनमा भर्ना गरिएको थियो ।
महाकाली नगरपालिकाको महेन्द्र नमूना मावि खलंगाको क्वारेन्टाइनमा रहेको बेला ती युवकमा कोरोना देखिएको हो । जेठ १५ गते थ्रोट स्वाब परीक्षणको क्रममा कोरोना पोजिटिभ देखिएपछि जिल्ला अस्पतालको आइसोलेसनमा भर्ना गरिएका युवाको जेठ १७ र जेठ २३ गते गरिएको दोस्रो र तेस्रो पीसीआर रिपोर्ट नेगेटिभ आएपछि मंगलबार डिस्चार्ज गरिएको जिल्ला अस्पताल दार्चुलाका डाक्टर गजेन्द्र दुवालले बताए ।
मंगलबार मात्रै महाकाली नगरपालिका ८ का २४ वर्षीय पुरुषमा कोरोना पोजिटिभ देखिएपछि आइसोलेसनमा भर्ना गरिएको जिल्ला अस्पताल दार्चुलाले जनाएको छ।
प्रतिक्रिया दिनुहोस !
