अमेरिका : नेपाल सरकारले कोरोना भाइरसका कारण महिनौंदेखि अमेरिका रोकिएका आफ्ना नागरिक फिर्ता लैजाने भएको छ ।नेपाल सरकारले यही जुन महिनामा दुई पटक गरी आफ्ना नागरिक फिर्ता लैजाने तयारी गरेको छ ।
सरकारको प्रस्तावित मितिअनुसार यही जुन महिनाको १७ तारिख र २५ तारिखका दिन अमेरिकाबाट नेपालका लागि उडान हुनेछ । प्राप्त जानकारी अनुसार १७ तारिखका दिन वगिदेशी विमान कम्पनीले उडान भर्नेछ भने २५ तारिख नेपाल एयरलाइन्सले अमेरिकाबाट नेपालका लागि उड्नेछ ।
दुवै उडानका लागि रकम भने तोकिएको छैन् । यसरी बिमान चड्ने व्यक्तिको कोरोना परीक्षण भने अनिवार्य गरिएको हुनुपर्नेछ । र्यापिड टेस्ट या पीसीआर टेस्ट गरिएको हुनुपर्ने प्रावधान राखिएको छ ।
राजदूतावासले कोरोना परीक्षणका लागि तयारी गरिरहेको जनाइएको छ । साथै दूतावासले नेपाली नागरिकलाई सम्पर्कमा रहिरहन भनेको छ । कोरोना महामारीका कारण अमेरिकामा रोकिएका नेपाली नागरिकले महिनौंदेखि सरकार तथा सम्बन्धीत निकायसँग हारगुहार गरिरहेका थिए ।
सरकार आफैले मिति तोक्दा हामी निकै खुसी भएका छौं, अमेरिकामा रहेका नेपाली नागरिक शान्ताराज बतासले भने, 'कतिवस्नुपर्ने हो भन्ने अन्यौल थियो, अब केही राहत महशुस भएको छ । यसरी अमेरिकामा थुनिएका नेपाली नागरिकले भिषालगायतका थुप्रै समस्या थपिँदै गएको गुनासो गर्दै आएका थिए।'
प्रतिक्रिया दिनुहोस !
