ताप्लेजुङ : चीनसँगको सीमावर्ती गाउँ ओलाङचुङगोलास्थित सिजेमा खोलाले बगाउँदा एकजना वेपत्ता भएका छन् । वेपत्ता हुनेमा फक्ताङलुङ गाउँपालिका- ६ साँघुका ५७ वर्षीय कालुमान लिम्बू छन् ।
लिम्बुसहित चारजना सोमबार दिउँसो ओलाङचुङगोलाबाट सिजेमा ताल घुम्न हिँडेका थिए । देउमाटार नजिकै फड्को मारेर खोला तर्ने क्रममा चिप्लिएर लिम्बू खोलामा खसेको ओलाङचुङगोलाका तेञ्जिङ वालुङले जानकारी दिए ।
वेपत्ता लिम्बूको खोजीमा ओलाङचुङगोला सीमा प्रहरी चौकीका प्रहरी, वडा सदस्य टासी शेर्पालगायतको टोली सोमबारैबाट खटिएको छ । तीन दिनदेखि निरन्तर पानी परिरहेको र खोलामा बाढी आएकाले खोज्न समस्या भइरहेको वालुङले बताए ।
प्रतिक्रिया दिनुहोस !
