रुकुम : जंगलबाट ल्याएको विषालु च्याउ खाँदा रुकुम पश्चिममा पाँच जना बिरामी भएका छन् । तरकारीका रुपमा जंगलबाट ल्याएको च्याउ खाँदा जिल्लाको बाँफिकोट गाउँपालिका–४ मा दुई घरपरिवारका पाँच जना घाइते भएको प्रहरीले जानकारी दिएको छ ।
बुधबार बिहान च्याउ खाँदा गाउँपालिका–४ खरखरेका ५६ वर्षीय हरिबहादुर विक, २८ वर्षीया झरना विक, २० वर्षीया सृष्टि विक, ४९ वर्षीया शान्ती विक, र १० वर्षीय जनक विक बिरामी भएको इलाका प्रहरी कार्यालय बाँफिकोटले जानकारी दिएको छ । उनीहरुलाई च्याउ खाएदेखि रिंगटा लाग्ने, वान्ता हुने जस्ता लक्षण देखिएको थियो ।
बिरामी भएका पाँच जनामध्ये शान्ति विक र जनक विकलाई थप उपचारको लागि जिल्ला अस्पताल सल्लेमा ल्याइएको छ । बाँकी तीन जनाको बाँफिकोट स्वास्थ्य चौकीमा उपचार भइरहेको छ ।
प्रतिक्रिया दिनुहोस !
