जनकपुरधाम : तीन वर्षीया बालिकासहित ११ जनामा कोरोना संक्रमणको पुष्टि भएको छ । धनुषाको मिथिला नगरपालिका २ नक्टाझिज स्थित जनता माध्यमिक विद्यालयको क्वारेन्टाइनमा रहेका तीन वर्षीया बालिकासहित ११ जनामा कोरोना संक्रमण पुष्टि भएको हो ।
प्रादेशिक अस्पताल जनकपुरको प्रयोगशालामा गरिएको परीक्षणमा बुधबार मिथिला नगरपालिकाका ४ महिला र ७ पुरुष गरी कुल ११ जनामा कोरोना संक्रमण पुष्टि भएको मिथिला नगरपालिकाका क्वारेन्टाइन संयोजक अशोक भण्डारीले जानकारी दिए । भण्डारीका अनुसार मिथिला नगरपालिका ३ का २ पुरुष र २ महिला गरी ४ जना, वडा नं. ४ का २ पुरुष, वडा नं. ५ का एक बालिकासहित २ महिला, वडा नं. ६ का १ पुरुष र वडा नं. ८ का १ जना पुरुषमा कोरोना संक्रमण पुष्टि भएको छ ।
संक्रमण पुष्टि भएका भारतको विभिन्न स्थानबाट विभिन्न समयमा नेपाल भित्रिएका थिए । उनीहरु सबैलाई क्वारेन्टाइनमा राखिएको थियो । उनीहरुको रिपोर्ट पोजिटिभ आएपछि आइसोलेसनमा राखिएको नगरपालिकाका मेयर हरिनारायण महतोले जानकारी दिए । संक्रमितमध्ये एकजना स्वास्थ्यकर्मी मेत रहेको उनको भनाइ छ । उनी सोही क्वारेन्टाइनमा कार्यरतसमेत थिए ।
प्रतिक्रिया दिनुहोस !
