बैतडी : बिहीबार बैतडीका थप तीनजनामा कोरोना संक्रमणको पुष्टि भएको छ । राष्ट्रिय जनस्वास्थ्य प्रयोगशाला काठमाडौंमा गरिएको परीक्षणमा दशरथचन्द नगरपालिका वडा नम्वर ९ का २६ वर्षीय पुरुषमा कोरोना संक्रमण पुष्टि भएको हो भने कर्णाली स्वास्थ्य विज्ञान प्रतिष्ठान जुम्लामा गरिएको परीक्षणमा बैतडीका ३१ बर्षीय पुरुषमा कोरोना संक्रमण पुष्टी भएको हो । ती व्यक्ति कामको सिलसिलामा जुम्लामै रहेको बताईएको छ ।
यस्तै कामको सिलसिलामा दैलेखमा रहेका सिगास गाउँपालिका वडा नम्वर १ का २३ बर्षीय पुरुषमा पनि कोरोना संक्रमण पुष्टि भएको स्वास्थ्य कार्यालय बैतडीका प्रमुख योगेशप्रसाद भट्टले जानकारी दिए । ती व्यक्तिको पशुपन्छी रोग अन्वेषण प्रयोगशाला सुर्खेतमा गरिएको परीक्षणमा कोरोना पुष्टि भएको हो ।
दशरथचन्द नगरपालिका ९ का २६ बर्षीय संक्रमित भने भारतबाट फर्किएका र आरडिटी पोजिटिभ भएका नागरिक रहेका स्वास्थ्य प्रमुख भट्टले बताए । कोरोना पुष्टि भएका ती व्यक्ति नागार्जुन माविको क्वारेन्टाइनमा रहेका र सोही ठाउँमा आइसोलेसनमा राखिएको छ । योसंगै बैतडीका संक्रमितको संख्या १७८ पुगेको छ ।
प्रतिक्रिया दिनुहोस !
