काठमाडौं : नेपाली अभिनेत्री, मोडल, डान्सर तथा सौन्दर्य व्यवसायी नीतु कोइराला भारतमा आयोजना भइरहेको ‘मिसेज इन्डिया– २०२०’की निर्णायक भएकी छन् ।
यो प्रतियोगिता पिस अफ इन्डियाले आयोजना गरेको हो । अहिले उनी सोही संस्थामा नेपालको तर्फबाट ब्रान्ड एम्बेसडरका रूपमा कार्यरत छिन् । उनले पिन्क रोजेज इन्टरटेनमेन्टले आयोजना गरेको मिस्टर, मिस एन्ड मिसेज इन्डियामा पनि गेस्ट अफ अनरको भूमिका निर्वाह गरेकी छन् ।
कोइराला हालै भारतका विभिन्न संस्थाले संयुक्त रूपमा आयोजना गरेको ‘कोरोना वारिअर्स अवार्ड’बाट सम्मानित भएकी थिइन् । भारतकै विभिन्न संस्थाले आयोजना गरेका विभिन्न कार्यक्रममा उनले सहभागिता जनाएकी छन् । तीजलगायत विभिन्न म्युजिक भिडियोमा मोडलिङसमेत गरेकी कोइराला नृत्यमा पारंगत मानिन्छिन् ।
प्रतिक्रिया दिनुहोस !
