डोल्पाका दुईजना पुरुषमा कोरोना पुष्टि

डोल्पाका दुईजना पुरुषमा कोरोना पुष्टि

डोल्पा : डोल्पाका दुईजना पुरुषमा कोरोना भाइरस पोजिटिभ देखिएको छ । चारदिन पहिला १८ जनाको पीसीआर परीक्षणको लागि स्वाब संकलन गरी नेपालगञ्ज भेरी अञ्चल अस्पतालमा पठाइएको थियो । स्वाब परीक्षणपछि सोमबार दुईजनाको पीसीआर रिपोट पोजिटिभ आएको प्रमुख जिल्ला अधिकारी सुरेस सुनारले जानकारी दिए । 

वर्ष ३१ र ३२ का दुईजनाको रिपोट पोजिटिभ आएको र उनीहरुको कन्ट्रयाक्ट ट्रेसिङ गरी आवश्यक्ता परेको खण्डमा सिल गर्न सकिने प्रजिअ सुनारले जानकारी दिए । उनले नागरिकलाई नआत्तिन र सुरक्षाका उपाय अपनाउन आग्रह गरे । 

जेठ २० गते ५८ वर्षका एक जना पुरुषको मृत्युपछि कोरोना संक्रमित देखिएको डोल्पामा पुन दुईजना पुरुषमा कोरोना पुष्टि भएको छ । सदुरमुकाम दुनैकै क्वारेन्टाइनमा बसेका पुरुषको स्वाब परीक्षणका क्रममा कोरोना पोजिटिभ आएको स्वास्थ्य सेवा कार्यालय डोल्पाका कोरोना फोकल पर्सन टेकबहादुर गूरुङले जानकारी दिए । 

गुरुङले फोनमा पोजिटिभ भएको कुरा आएको र लिखित भरेसम्म आउने बताउँदै सबैजना सुरक्षित रहन जरुरी रहेको दावी गरे । हालसम्म पीसीआर पोजिटिभ नभएको डोल्पामा पहिलो पटक दुईजना पुरुषमा देखिएपछि नागरिकहरु त्रसित भएका छन् । डोल्पामा गाडी र जहाजबाट जिल्लामा दैनिक मानिस आउने गरेका छन् । तर आएका सबै नागरिकलाई क्वारेन्टाइनमा राखिएको प्रमुख जिल्ला अधिकारी सुरेस सुनारले बताए । 

दुईजनामा कोरोना पोजिटिभ भएसँगै जिल्लाको सुरक्षा व्यवस्था थप कडाइ गरिएको प्रहरी नायव उपरीक्षक नारायण रञ्जितकारले जानकारी दिए । सोमबार मात्रै सदुरमुकाम दुनैका क्वारेन्टाइनमा रहेका ४० जनाभन्दा धेरैको पीसीआर परीक्षण गरिएको छ । कोरोना पोजिटिभ भएपछि सबै सर्तक रहन र पीसीआर परीक्षणको दायरा बढाउन जरुरी रहेको स्वास्थ्य सेवा प्रमुख डाक्टर सिजन रावलले बताए ।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.