दाङमा दुई सैनिकसहित ५८ जनामा कोरोना संक्रमण

दाङ : दाङमा सोमबार थप ५८ जना कोरोना संक्रमित थपिएका छन्। राप्ती स्वास्थ्य विज्ञान प्रतिष्ठानमा भएको परीक्षणमा दुईजना सैनिकसहित ५८ जनामा कोरोना पुष्टि भएको हो । जिल्लाका दशैवटा पालिकामा कोरोना संक्रमण देखिएको छ । 

दंगीशरण गाउँपालिकामा सोमबार दुईजनामा कोरोना पुष्टि भएसँगै सबै पालिकामा कोरोना संक्रमण देखिएको हो।सोमबार घोराही उपमहानगरपालिकाका विभिन्न वडाका ७ जना, गढवा गाउँपालिकाका २२ जना, तुलसीपुर उपमहानगरपालिकाका ८ जना, शान्तिनगर गाउँपालिकाका २ जना, राप्ती गाउँपालिकाका ५ जना, बबई गाउँपालिकाका १० जनामा कोरोना पुष्टि भएको छ ।
 

योसँगै दाङमा ५सय ५७ जनामा कोरोना पुष्टि भएको छ । जिल्ला आपत्कालिन कार्य सञ्‍चालन केन्द्रले जिल्लामा नेपाली सेनासहित ५५७ जनामा कोरोना संक्रमण भएको बताएको छ।