पूर्वमन्त्री बाँस्कोटाको घरमा बम विस्फोट गराउने मुख्य योजनाकार पक्राउ

पूर्वमन्त्री बाँस्कोटाको घरमा बम विस्फोट गराउने मुख्य योजनाकार पक्राउ

भक्तपुर : पूर्वसूचना तथा सञ्चार प्रविधिमन्त्री गोकुलप्रसाद बाँस्कोटाको भक्तपुरको मध्यपुर थिमि नगरपालिका १ मनहरामा बन्दै गरेको घरमा बम विस्फोट गराउने मुख्य योजनाकारलाई प्रहरीले पक्राउ गरेको छ । महानगरीय प्रहरी परिसर भक्तपुरले उक्त विस्फोटका मुख्य योजनाकार नेत्रविक्रम चन्द विप्लव नेतृत्वको नेपाल कम्युनिष्ट पार्टी भक्तपुर जिल्लाका सेक्रेटरी विजय भनिने ऐनबहादुर शाहीलाई पक्राउ गरेको हो ।

परिसरका प्रवक्ता प्रहरी नायब उपरीक्षक दीपक गिरीले बम विस्फोटपछि फरार रहँदै आएका शाहीलाई विशेष सूचनाको आधारमा असार १५ गते ललितपुरबाट पक्राउ गरिएको जानकारी दिए । उक्त बम विस्फोटमा संलग्न भएको आरोपमा भक्तपुर प्रहरीले यसअघि नै चारजनालाई पक्रा गरिसकेको छ ।
गएको फागुन २८ गते बिहान ७:५६ बजे पूर्वमन्त्री बाँस्कोटाको निर्माणाधिन साढे तीन तले घरको दक्षिण पूर्वी वाल कम्पाउण्डमा बम विस्फोट गराइएको थियो । 

पूर्वमन्त्री बाँस्कोटाको घरमा रिमोट कन्ट्रोलमार्फत कुकर बम विस्फोट गराइएको थियो । उक्त घटनामा संलग्न भएको आरोपमा प्रहरीले अभिषेक भन्ने कबहादुर बीक, अमृतबहादुर कुमाल, लक्ष्मण सेठी र देवीबहादुर गुरुङलाई नियन्त्रणमा लिएको थियो । उनीमाथि अनुसन्धानपश्चात जिल्ला अदालत भक्तपुरले गएको चैत ३० गते देवीबहादुरलाई साधारण तारेखमा छोडेको थियो । बाँकी ३ जनालाई पुर्पक्षको लागि डिल्लीबजार कारागार चलान गरिएको प्रहरी नायब उपरीक्षक गिरीले जानकारी दिए ।

सोही घटनामा फरार रहेका मुख्य योजनाकार ऐनबहादुर शाहीलाई घटना भएको करिब तीन महिनापछि सोमबार प्रहरीले पक्राउ गरेको हो । उनलाई मंगलबार जिल्ला अदालत भक्तपुरमा पेस गरिएको थियो । अदालतबाट म्याद थप गरी अनुसन्धान कार्य अघि बढाइएको भक्तपुर प्रहरीले जनाएको छ ।

विस्फोटको क्रममा घटनानजिकै प्रहरीले नेत्रविक्रम चन्द विप्लव नेतृत्वको नेपाल कम्युनिष्ट पार्टीको पर्चासमेत बरामद गरेको छ । जसमा ‘भ्रष्टाचारी गोकुल बाँस्कोटामाथि कारबाही किन ?’ भन्ने शीर्षकमा १० वटा कारण उल्लेख गरिएको छ । प्रहरीले उक्त पर्चाको आधारमा पूर्वमन्त्री बाँस्कोटाको घरमा विप्लव नेतृत्वको नेकपाले बम विस्फोट गराएको हुनसक्ने दावी गरेको थियो । तर नेकपाले अहिलेसम्म आधिकारिक रुपमा उक्त बम विस्फोटको जिम्मेवारी लिएको छैन ।


 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.