बैतडी : खोलाले बगाउँदा बैतडीमा शनिबार एक महिलाको मृत्यु भएको छ। पुर्चौडी नगरपालिकास्थित जमाडी नदीले बगाउँदा अन्दाजी ३५ वर्षीया महिलाको मृत्यु भएको हो।
मृतक महिलाको पहिचान हुन नसकेको बैतडीका प्रहरी प्रमुख प्रहरी नायव उपरिक्षक नारायणप्रसाद अधिकारीले जानकारी दिए। जमाडी नदीले बगाएर ल्याएको शव गिरीजाबगर भन्ने स्थानमा फेला परेको हो। 'मृतक महिलालाई नदीले बगाएर ल्याएको जस्तो छ। स्थानीयहरुले शवदेखिपछि प्रहरीलाई खबर गरेका थिए।’ प्रहरी नायव उपरीक्षक अधिकारीले भने ‘प्रहरीको टोली घटनास्थलतर्फ गएको छ।’
प्रतिक्रिया दिनुहोस !
