बैतडी : बैतडीका कोरोना संक्रमितको संख्या २ सय ७५ पुगेको छ। जिल्लाको दशरथचन्द नगरपालिका ११ का ३० वर्षीया एक महिलामा शनिबार कोरोना पुष्टि भएसँगै जिल्लामा संक्रमितको संख्या २ सय ७५ पुगेको हो ।
धनगढी प्रयोगशालामा गरिएको परीक्षणमा ती महिलामा कोरोना पुष्टि भएको स्वास्थ्य कार्यालयका कोभिड १९ सम्पर्क व्यक्ति भुवनप्रसाद जोशीले जानकारी दिए। ती महिला भारतबाट फर्किएका र उनको आरडिटी रिपोटसमेत पोजिटिभ आएको थियो। संक्रमण पुष्टि भएका ती महिला क्वारेन्टाइनमा बसिरहेका र छुट्टै आइसोलेट गर्ने तयारी भएको स्वास्थ्य कार्यालय बैतडीले जनाएको छ। संक्रमित महिलाको अवस्था सामान्य रहेको छ। योसँगै दशरथचन्द नगरपालिकामा संक्रमितको संख्या ३४ पुगेको छ।
२ सय ७५ जनामा कोरोना पुष्टि हुँदा सबैभन्दा बढी पञ्चेश्वर गाउँपालिकामा ५० जना संक्रमित रहेका स्वास्थ्य कार्यालय बैतडीका प्रमुख योगेशप्रसाद भट्टले जानकारी दिए । यस्तै शिवनाथ गाउँपालिकाका ४८, दोगडाकेदार गाउँपालिकाका ४३, सिगास गाउँपालिकाका ३६ , दशरथचन्द नगरपालिकाका ३४, मेलौली नगरपालिकाका २४, सुर्नया गाउँपालिकाका १४, पाटन नगरपालिकाका १२, डिलाशैनी गाउँपालिका र पुर्चौंडी नगरपालिकामा ७-७ जनामा संक्रमण पुष्टी भएको छ।
संक्रमितमध्ये ७२ जनामात्रै आइसोलेसन तथा क्वारेन्टाइनमा रहेका अन्य २ सय ३ जना घर फर्किसकेका छन्।
प्रतिक्रिया दिनुहोस !
