काठमाडौं : गायिका राधिका हमाल र राजेन्द्र कडेलको आवाजमा रहेको तीज गीत 'दिदी-भाइ' बजारमा आएको छ। निर्मला सुवेदीको शब्द रहेको गीतमा राजेश बर्देवाको संगीत रहेको छ भने ओबि रायमाझी र शोभा त्रिपाठीले अभिनय गरेका छन्।
गीतमा परदेशबाट स्वदेश आएको भाइ क्वारेन्टाइनमा बस्नु परेको र तीजमा आफ्नो दिदी-बहिनी अर्थात् चेलिबेटी लिन जान नपाएको र उता माइतीको बाटो हेरेर बसेकी चेलीको कथा व्यथा समावेश गर्न खोजिएको छ।
यसपाली माइत आउन नपाए पनि भाइको क्वारेन्टाइन बसाइलाई थप उर्जा र हौसल्ला दिने काम चेलीले गर्छिन् भने भाइले पनि दिदीको मनलाई दु:खी नबनाउन अनुरोध गर्दछन् । गीतलाई बिक्रम चौहानको निर्देशन, प्रकाश खड्काको छायांकन र मिलन विश्वकर्माको सम्पादन रहेको छ ।
प्रतिक्रिया दिनुहोस !
