स्याङ्जा : स्याङजाका करिब १८ हजार बालबालिकालाई भिटामिन 'ए' र जुकाको औषधि खुवाइने भएको छ । सोमबार र मंगलबार जिल्लाभरका ६ महिनादेखि ५ वर्ष मुनिका बालबालिकालाई भिटामिन ए र जुकाको औषधि खुवाइने भएको जिल्ला स्वास्थ्य कार्यालयका प्रमुख यामप्रसाद शर्माले जानकारी दिए ।
छ महिनादेखि ५ वर्षसम्मका बालबालिकालाई भिटामिन ए र एक वर्षदेखि ५९ महिना सम्मका बालबालिकालाई जुकाको औषधि खुवाइने भएको हो । एक वर्षदेखि ५ वर्ष उमेर समूहकाले दुबै औषधि खुवाउनुपर्ने हुन्छ ।
जिल्लाभरका ६ सय १२ स्वास्थ्य संस्थामार्फत यहाँका महिला स्वास्थ्य स्वयंसेविकाले लक्षित बालबालिकालाई भिटामिन ए र जुकाको औषधि खुवाउन सुरु गरेका छन् । स्याङजामा एक वर्षदेखि ५ वर्ष मुनिका करिब १५ हजार बालबालिकाले जुकाको औषधी र करीब १८ हजार बालबालिकालाई भिटामिन ए खुवाउने लक्ष्य रहेको खोप अधिकृत अमृतप्रसाद श्रेष्ठले जानकारी दिए ।
कोरोना भाइरस संक्रमणको अवस्था रहेकाले स्वास्थ्य स्वयंसेवी, अभिभावक र बालबालिकालाई सामाजिक दूरी कायम गरी भिटाभिन ए र जुकाको औषधि खुवाउन सुझाव दिएको स्वास्थ्य कार्यालयले जनाएको छ ।
प्रतिक्रिया दिनुहोस !
