अछाम : अछाममा कोरोना संक्रमितको संख्या ६ सय ७ पुगेको छ । बिहीबार मंगलसेन नगरपालिकामा १ जना, साँफेबगर नगरपालिकामा २ जना र चौरपाटी गाउँपालिकामा १ जना गरी ४ जनामा कोरोना पुष्टि भएको हो। योसँगै कोरोना संक्रमितको संख्या ६ सय ७ पुगेको जिल्ला स्वास्थ्य कार्यालय अछामले जानकारी दिएको छ।
साँफेबगर नगरपालिकामा आज २ जनालाई कोरोना पुष्टि भएको छ। साँफेबगर नगरपालिकाका ३६ र ३० वर्षीयाका महिलामा कोरोना पुष्टि भएको हो। योसँगै साँफेबगरमा कोरोना संक्रमितको सख्या १ सय ५२ पुगेको छ ।
यस्तै मंगलसेन नगरपालिका १४ का ७५ वर्षका पुरुषमा कोरोना पुष्टि भएको हो । योसँगै मंगलसेनमा संक्रमितको संख्या ६९ पुगेको छ । यस्तै चौरपाटी गाउँपालिकाका २३ वर्षीया महिलामा कोरोना पुष्टि भएको हो ।त्यहाँ संक्रमितको सख्या ५१ जना पुगेको छ । हालसम्म मेल्लेखमा कोरोना संक्रमितको सख्या १ सय १, रामारोशन गाउँपालिकामा १ सय ४ जना, वान्नीगढी जयगढ गाउँपालिकामा ३४ जना, ढकारी गाउँपालिकामा २८ जना, पन्चदेवल विनायक नगरपालिकामा २० जना, कमलबजार नगरपालिकामा २५ जना र तुर्माखाँद गाउँपालिकामा २३ जनालाई कोरोना पुष्टि भएको छ।
कोरोना निको हुनेको सख्या १५८ पुगेको छ । सुदूरपश्चिम प्रदेशका पहाडि जिल्लामा सबैभन्दा बढी बाजुरामा ६ सय १५, अछामका ६०७, डोटीका ५७७, कञ्चनपुरका ४४३ जना, डडेल्धुराका २८०, बैतडीका २७४, बझाङ १६६ र दार्चुलामा १९ जनामा कोरोना पुष्टि भएको मन्त्रालयले जनाएको छ।
प्रतिक्रिया दिनुहोस !
