डोल्पा : कोरोना भाइरस (कोभिड -१९) रोकथाम तथा नियन्त्रणका लागि राष्ट्रिय बाणिज्य बैंक दुनै शाखाले भिटिएम किट सहयोग गरेको छ । सामाजिक उत्तरदायीत्वअन्तरगत राष्ट्रिय बाणिज्य बैंक दुनै डोल्पा (४५८) शाखाले ८० वटा भिटिएम कटि ठुलीभेरी नगरपालिका ३ मा हस्तान्तरण गरेको हो ।
कोरोना परीक्षणका लागि आवश्यक पर्ने ८० थान भिटिएम किट वडाअध्यक्षलाई हस्तान्तरण गरेको राष्ट्रिय बाणिज्य बैंक दुनै शाखाका प्रबन्धक चुडामणी केसीले जानकारी दिए । कोरोना भाइरस रोकथाममा सहयोग पुगोस् भन्ने उद्देश्यले बाणिज्य बैंक डोल्पा शाखाले डोल्पाको ठुलीभेरी नगरपालिका वडा नं. ३ का अध्यक्ष अर्णबहादुर न्यौपानेलाई पीसीआर परीक्षणमा आवश्यक पर्ने भिटिएम किट सहयोग गरेको शाखा प्रबन्धक केसीले बताए ।
हाल डोल्पामा कोरोना संक्रमितको संख्या ३ पुगेको छ भने एकजनाको मृत्यु भइसकेको छ । कोरोना संक्रमित सबै पुरुष हुन्। दुईजना सदरमुकाम दुनै र एकजनालाई मुड्केचुलाको त्रिवेणी आइसोलेसनमा उपचार भइरहेको छ । संक्रमित सबैको स्वास्थ्य अवस्था सामान्य रहेको चिकित्सकले जनाएका छन्।
प्रतिक्रिया दिनुहोस !
