नुवाकोट : नुवाकोटको माझीटारमा भएको दुर्घटनामा ट्याक्सी चालकको ज्यान गएको छ भने एक जना घाइते भएक छन्। शनिवार विदुर नगरपालिका-५ माझीटारमा भएको ट्याक्सी दुर्घटनामा चालकको मृत्यु भएको जिल्ला प्रहरी कार्यालय नुवाकोट जनाएको छ।
पासाङ ल्हामु मार्गमा विदुरबाट गल्छीतर्फ गइरहेको बा२ज ५२३३ नम्वरको ट्याक्सी अनियन्त्रित भई सडकको बाँयातर्फ किनारामा रहेको ड्रेनमा (पानी बग्ने नहर) खस्न गई दुर्घटना हुँदा धादिङको धुनिबेसी नगरपालिका-७ का ५२ वर्षीय चालक नवराज खत्रीको मृत्यु भएको प्रहरी नायव उपरिक्षक राजेश थापाले जानकारी दिए। थापाका अनुसार घाइते खत्रीलाई उपचारको लागी अस्पताल लैजाने क्रममा वाटैमा मृत्यु भएको प्रहरीले जनाएको छ।
सोही गाडिमा सवार नुवाकोटको तादी गाउँपालिका-२ का ५१ वर्षीय ज्ञानेन्द्र सिलवाल घाइते भएको नुवाकोट प्रहरीले जनाएको छ। खत्रीको शव नुवाकोट जिल्ला अस्पताल त्रिशुलीमा राखिएको छ।
प्रतिक्रिया दिनुहोस !
