सन्धिखर्क :अर्घाखाँचीको गोरूसिङगे सन्धिखर्क सडकखण्डको ठाडामा जीप दुर्घटना हुँदा एक जनाको मृत्यु र एक गम्भीर घाइते भएका छन्। बुटवलबाट सन्धिखर्क आउँदै गरेको बा १५ च २७०६ नम्बरको स्कारपियो जिप ठाडामा दह नजिकै रिपाहापाखामा गएराति दुर्घटना भएको हो।
दुर्घटनामा मृत्यु हुनेमा पाल्पा जिल्ला रैनादेबी गाउँपालिका ८ का ३८ वर्षीय पाण्डप छाहारी रहेको जिल्ला प्रहरी कार्यालय अर्घाखाँचीका प्रहरी नायव उपरीक्षक प्रकाश खत्रीले जानकारी दिए।
गाडी चालक लिला तामाङ गम्भीर घाइते भएका छन्। घाइते तामाङको थप उपचारका लागि लुम्बिनी अञ्चल अस्पताल बुटवल रिफर गरिएको छ। गाडी सडकबाट ५ सय मिटर तल खोलामा खसेर दुर्घटना ग्रस्त भएको छ।
प्रतिक्रिया दिनुहोस !
५
