स्याङ्जा : बाल विवाह आरोपमा ५ जनालाई प्रहरीले पक्राउ गरेको छ । स्याङ्जाको आँधीखोला गाउँपालिका-१ का २४ वर्षीय नारायणप्रसाद तिवारीले १७ वर्षीया बालिकासँग बिहे गरेको उजुरीका आधारमा पाँचजनालाई प्रहरीले पक्राउ हो ।
गत असार २१ गते तिवारीले ती बालिकासँग बिहे गरेको भन्दै सोही गाउँपालिका ३ बस्ने केशवराज पौडेललगायतले प्रहरीमा जाहेरी दिएका थिए ।
सोही उजुरीका आधारमा प्रहरीले बेहुला तिवारीसहित दुबैतर्फका बुवा, आमागरी पाँचजनालाई हिरासतमा राखी अनुसन्धान जारी राखेको प्रहरी नायब उपरीक्षक राजेन्द्रप्रसाद अधिकारीले जानकारी दिए ।
आरोपित पाँचजनाविरुद्ध 'बाल विवाह' मुद्दा दर्ता गरी जिल्ला अदातलबाट पाँच दिनको म्याद थप भएको प्रहरीको भनाइ छ ।
प्रतिक्रिया दिनुहोस !
