दार्चुला : महाकाली नगरपालिका -२ बडालीगाउँमा पहिरो जाँदा ६ वर्षीय बालक बेपत्ता भएका छन्। दार्चुला सदरमुकाम खलंगाबाट घर जाँदै गरेका नौगाड गाउँपालिका -२ तल्लो सुण्डमुण्डका धन बहादुर ठगुन्नाका ६ वर्षीय छोरा जेनिस ठगुन्ना पहिरोमा परेर बेपत्ता भएका हुन्।
जेनिससँगै रहेका नौगाड गाउँपालिकाकै संगीता ठगुन्ना, बिमल ठगुन्ना, हरक ठगुन्ना र डम्बर बोहरा भने सकुसल रहेको घटनास्थलबाट गजेन्द्र ठगुन्नाले जानकारी दिए। उनका अनुसार शुक्रबार दिउँसो ४ बजेतिर पहिरो आएको हो।
जानकारी पाए लगत्तै जिल्ला प्रहरी कार्यालय दार्चुलाका प्रहरी प्रमुख एवम् प्रहरी नायव उपरीक्षक (डिएसपी ) पदमबहादुर विष्ट नेतृत्वको प्रहरी टोली घटनास्थलतर्फ गएको छ।
प्रतिक्रिया दिनुहोस !
