स्याङजा :वालिङ नगरपालिका -१२ को बायटारी छापमा जीप दुर्घटना हुँदा सहचालकको मृत्यु भएको छ। जीपले च्यापेर १६ वर्षका सुदिप गुरुङको मृत्यु भएको प्रहरी नायब उपरीक्षक राजेन्द्र अधिकारीले जानकारी दिए।
दुर्घटनामा परी अन्य ६ जना घाइते छन्। बिहीबार साँझ ८ बजे वालिङ -१२ को लामपाते नजिकै जैमारे ग्रामिण सडक खण्डमा ग १ ज ७४७१ नम्बरको बलेरो जीप दुर्घटना भएको हो।
दुर्घटनामा चालक लिलाराम गुरुङ, तिलकुमारी थापा छाती, तिलकुमारी गुरुङ, ममता गुरुङ, माया गुरुङ, पनिता गुरुङ घाइते भएको अधिकारीले जानकारी दिए। चालकसहित पोखरास्थित लिलाराम गुरुङको पोखरामा उपचार भइरहेको छ भने अन्य घाइतेको वालिङस्थित प्राथमिक स्वास्थ्य केन्द्रमा उपचार भइरहेको छ।
वालिङबाट सिर्सीकोटमैदानतर्फ जाँदै गरेको सो जीप सडकबाट झण्डै १५ मिटर सडकभन्दा तल खसेको छ। समय चिप्लो, घुम्ति सडक र साँझ भएकाले दुर्घटना भएको हुनसक्ने प्रहरीको प्रारम्भिक अनुमान छ। जीपमा चालकसहित ७ यात्रु थिए।
प्रतिक्रिया दिनुहोस !
