जनकपुरधाम : धनुषामा अवैद्य गिट्टी बालुवा उत्खनन् गरेको स्थानमा भएको खाल्डोमा डुबेर एक बालकको मृत्यु भएको छ । धनुषाको मिथिला नगरपालिका ६ स्थित जग्धर खोलाको किनारमा क्रसर माफियाले खनेको खाल्डोमा डुबेर सोमबार एक बालकको मृत्यु भएको हो ।
मृत्यु हुनेमा सर्लाही नरेशखोइर बस्ने शिवु महतोको १२ वर्षीय छोरा सुमन महतोको मृत्यु भएको इलाका प्रहरी कार्यालय ढल्केबरका प्रहरी निरीक्षक तीर्थ कार्कीले जानकारी दिए ।
दुई महिनादेखि मिथिला नगरपालिका ४ पुष्पलपुरस्थित हजुरबुबा राम उदगारको घरम बस्दै आएका बालक समुन साथीहरुसंग पौडी खेल्न गएको बेला डुबेर मृत्यु भएको परिवारजनले जनाएको छ ।
एकसाता नबित्दै धनुषामा अवैध रुपले ग्राइभेल उत्खनन गरेको खाल्डोमा डुबेर एक फेरि एक बालकको ज्यान गएको छ । क्रसर माफियाहरुले गहिरोसम्म ग्राइभेल झिकेकाले पानी जमेर नुहाउने क्रममा दुई जनाको मृत्यु भएको छ ।
गत साता श्रावण २२ मा मिथिला नगरपालिका १ स्थित बसही खोलामा क्रसर खनेको गहिरो खाल्डोमा डुबेर मिथिला नगरपालिका २ नक्टाझिजका २२ वर्षीय अनिल कुमार महतोको मृत्यु भएको थियो।
प्रतिक्रिया दिनुहोस !
