भक्तपुर : भक्तपुरको मध्यपुर थिमि नगरपालिका-६ निकोसेरास्थित युनाइटेड नेपाल केमिकल प्रालिमा मङ्गलबार आगलागी भएको छ। महानगरीय प्रहरी परिसर भक्तपुरका अनुसार विद्युत सट भएर उद्योगमा आगलागी भएको हो।
उद्योगको स्टोर रुममा लागेको आगलागीबाट करिब ५० लाख रुपैयाँ बराबरको क्षति भएको परिसरका प्रवक्ता प्रहरी नायब उपरीक्षक दीपक गिरीले जानकारी दिए। जीवन श्रेष्ठले चलाएको उद्योगमा लागेको आगलागी भक्तपुर र ललितपुरको वारुण यन्त्रले नियन्त्रणमा लिएको प्रनाउ गिरीले बताए। उनका अनुसार आगलागीको विस्तृत विवरण प्राप्त भएको छैन। उद्योगले ह्यान्ड स्यानिटाइजर, हर्पिकलगायतका सरसफाइसम्बन्धी वस्तु उत्पादन गर्छ।
प्रतिक्रिया दिनुहोस !
१
