सन्धिखर्क : गोरूसिङगे सन्धिखर्क सडक खण्डको शितगंगा-२ राजुबास झोलुङ्गे पुल नजिकै टिप्परले मोटरसाइकललाई ठक्कर दिँदा एक बालकको मृत्यु भएको छ।
गोरूसिंगेबाट नरपानि आउँदै गरेको ना ८ ख ६६९८ नम्बरको टिप्परले विपरित दिशाबाट आउँदै गरेको लु ३२ प २३९१ नम्बरको मोटरसाइकललाई ठक्कर दिँदा मोटरसाइकलमा सवार सन्धिखर्क ७ का ३ वर्षीय अभिषेक थापाको घटनास्थलमै मृत्यु भएको जिल्ला प्रहरी कार्यालय अर्घाखाँचीका प्रहरी नायव उपरीक्षक माधव बुढाथोकीले जानकारी दिए।
टिप्पर र चालक प्रहरी नियन्त्रणमा रहि अनुसन्धान सुरू भएको प्रहरीले जनाएको छ। प्रहरीका अनुसार मोटरसाइकलमा सवार साना दुई बच्चासहित ४ जना रहेको र अन्य ३ जना सामान्य घाईते भएको प्रहरीले जनाएको छ।
प्रतिक्रिया दिनुहोस !
५
