जिल्ला प्रशासन रुपन्देहीको सेवा पाँच दिनका लागि स्थगित

जिल्ला प्रशासन रुपन्देहीको सेवा पाँच दिनका लागि स्थगित

भैरहवा : जिल्ला प्रशासन कार्यालय रुपन्देहीको दैनिक सेवा प्रवाह पाँच दिनका सम्मका लागि स्थगित गरिएको छ। जिल्लामा समुदायस्तरमा संक्रमण बढ्न सक्ने सम्भावनालाई दृष्टिगत गर्दै सरकारी कार्यालयहरुबाट प्रवाह हुने सेवालाई समेत न्यूनीकरण गर्न अत्यावश्यक देखिएको हुदाँ हाललाई दैनिकी सेवा स्थगित गरिएको जिल्ला प्रशासन कार्यालय रुपन्देहीका सूचना अधिकृत जनक थापाले जानकारी दिए।

उनले शान्ति सुरक्षा लगायत अत्यावश्यक कार्यहरु बाहेक नागरिकता, राहदानी, संघसंस्था सम्बन्धी लगायत अन्य प्रशासनिक सेवाहरु स्थगति गरिएको बताए। उनका अनुसार भदौ १ गते देखि भदौ ५ गते सम्म सेवा स्थगित गरिएको छ।

रुपन्देही जिल्लामा संक्रमण फैलिने क्रम तिव्र छ। स्वास्थ्य कार्यालय रुपन्देहीका अनुसार सोमबार बिहान सम्म जिल्लामा संक्रमितको संख्या चार सय ९४ पुगेको छ। जसमध्ये तीन सय ३३ जना निको भएका छन् भने एक सय ६० जना उपचारत अवस्थामा छन्। एक जनाको मृत्यु भएको छ।

जिल्लामा संक्रमण बढ्दै गएपछि यहाँको बुटवल उपमहानगरपालिका, सिद्धार्थनगर नगरपालिका, ओमसतिया, मर्चवारी, सम्मरीमाई, कोटहीमाई गाउँपालिका लगायत स्थानीय तहहरुमा लकडाउन गरिएको छ।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.