सिरहा : मंगलबार साँझ सिरहा प्रहरीले धनगढीमाई नगरपालिका १३ भाल्टारबाट १२ जनालाई जुवा खेलिरहेको अवस्थामा पक्राउ गरेका छन्। प्रहरीले उनीहरुले नाम सार्वजनिक गरेको छैन्।
जिल्ला प्रहरी कार्यालय सिरहाका प्रवक्ता तथा डिएसपी विनोद घिमिरेका अनुसार स्थानीय मदन बहादुर राईको झुपडी घरमा जुवा खेलिरहेको सुचना प्रहरीले पाएको थियो। सोही आधारमा इलाका प्रहरी कार्यालय लहान र गोलबजारको संयुक्त प्रहरी टोलीले उनीहरुलाई पक्राउ गरेको डिएसपी घिमिरेले जानकारी गराए।
उनका अनुसार जुवा खेल्नेहरुसँग कौडा १६ पीस, नेपाली रुपैयाँ ३ लाख ६३ हजार ६४०, भारतीय रुपैयाँ ४ हजार ८१०, हस्ताक्षर गरी राखिएको ४ लाख ४८ हजार ३७३ रुपैयाँको चेक बरामद भएको छ।
उनीहरुले प्रयोग गरीरहेको १४ थान मोबाइलसहित इप्रका लहानमा राखि थप अनुसन्धान भइरहेको सिरहा प्रहरी प्रवक्ता डिएसपी घिमिरेले बताए।
प्रतिक्रिया दिनुहोस !
