रौतहट : रौतहटमा गए राती पुजारीको गोली हानेर हत्या गरिएको छ। रौतहटको माधवनारायण नपा २ खेसरहियाटोल स्थित हनुमान मन्दिरका ६५ वर्षीय पुजारी श्रीराम साहको हत्या भएको हो।
बुधबार राति करीव ९ बजे खाना खाइरहेको अवस्थामा साहको कन्चटमा गोली हानेर हत्या गरिएको प्रहरीले जनाएको छ। घटनाको अनुसन्धान भइरहेको इलाका प्रहरी कार्यालय गरुडाले जानकारी दिएको छ। केही दिन अघि पनि रौतहटको गरुडा नपा ८ मा १७ वर्षीय युवकको घाँटी रेटेर हत्या भएको थियो।
प्रतिक्रिया दिनुहोस !
